-
شفت أنا الظلم من بعض الدلال
يجرح القلب لو كانه جميل
أشهد إن الهوى ما به عدال
هو خلي . . وأنا قلبي عليل
- بدر بن عبدالمحسن
- محمد عبده
-
مات الزمان اللي بصفوه جمعنا
وتكدرت من عقب فرقاه الأيام
ما كن أبو تركي حكى أو سمعنا
وما كن سطرنا القصايد بالأقلام
وما كن مثله راحلٍ قد فجعنا
ولا كن دربه قد مشت فيه الأقدام
مرحوم يامن ريف صدره وسعنا
هو الربيع وزاهر العشب لو دام
نعم الرفيق السمح في كل معنى
دايم حجاجه طلق والثغر بسام
لو أن صافي الدمع قبله نفعنا
ما كان جف الدمع عام بعد عام
يا محمد العبدالله أول وجعنا
فرقاك ليت انك على الهجر تنلام
واخر عزانا فيك واقصى طمعنا
ربك غفور وملتك دين الإسلام
بدر بن عبدالمحسن -
مرثية محمد العبدالله ” رحمة الله ” -
-
باكر تسافر ..
ومايضل الا الاثر
ينقاس كل انسان باللي يتركه بعده اثر
ياخوي خلك بين ناسك من جميلين الذكر
فكر بباكر ..
عن سيرتك ش بينذكر !
في وسط ليلك ش الذي تذكره
- مصعب المقرن
-
يا أول الحب .. شفتك أنا مره
واهديت لك قلب
ورديت لي جمرة
ومن يومها كان الرحيل
وليل الشتا .. القاسي الطويل
وآه يا الحنين
لليل باب له حارسين
برد وسحاب
جمرة غضى ..
بدر بن عبدالمحسن -
محمد عبده -
-
حبيبتي .. يا حلم
ياللي أعرفك اسـم
وجهٍ تصوره الحروف .. واتخيله
شي ٍ احس انه قريب .. ما اوصله
انتي اللي اعرفه .. زين
واللي اجهله انتي
حبيبتي .. وياليتها
اعرفها زين وانا .. ما شفتها ولا جيتها ..!
-
صوتك يناديني .. تذكّر
تذكر الحلم الصغير
وجدار من طين وحصير
وقمرا ورا الليل الضرير
على الغدير
لا هبّت النسمة تكسر
جيتي من النسيان
ومن كل الزمان
اللي مضى.. واللي تغيّر
صوتك يناديني تذكّر
بدر بن عبدالمحسن -
محمد عبده -
